Sir'ip sa Lawanit

Kan ako hoben pa,
nag-gibo ako nin labot sa lawanit
asin tinuyo ko na manir'ipan sa kataid.
Lalo na pag matanga, ako minapaiklop,
dinidiskubre an mga posibleng madalan.
Nahiling ko an pandok niya,
halangkaw an dungo, manipis an ngabil,
asin manipis man an kiray.
Dae ko nahiling an saiyang mata,
na ginibuhan ko na lang nin imahe sa isip ko.
Dawa ngani maray na ito
para dae niya ako madakop.
Nagkapirang banggi man ang nag-agi,
padagos ako sa paninir'ip.
Maray na lang ta dae ako kinulatoy.
Hastang uminabot an sarong banggi,
dae ko siya naabutan na turog.
Mayo ako nahiling sa labot sa lawanit, puro kadikloman.
Nakadangog na lang ako nin nag-ngirit.
Nadakop niya ako.

-dyan kay ben-
05/28/09