Paghuna

Buminuhat siya sa kinatutukawan niya
sa sirong kan kahoy sa Ateneo.
Maduros kaya tinatalbo an saiyang buhok
na nakalugay na abot sa abaga.

Kasubago pa ako naktunganga sa iya
asin nagngalas ako ta buminuhat siya
sa kinatutukawan niya.
Luway-luway siyang duminulok sa sakuya.

Sa harayo pa lang, maririsa mo na siya
huli sa kaputian niya asin aura.
Malinig paghilingon, bako maarte.
Mala ta aro-aldaw ko tinatangro.

Hinalat ko na magrani siya sakuya
asin siya luway-luway na duminulok.
Kan nasa atubangan ko na siya
sabi niya, "Mawalat man po nin bag."

-dyan kay ben-
06/24/09