Penitensya

Habang nasa irarom kan nangingisog na saldang,
nakataklob nin itom para lang dae mamidbidan,
hiling ta pati ang aki nakataklob kan mata,
takot sa nahihiling.
Nagtitipsik an dugo asin pinandudugdog sa napapaha
na konkreto na nagaaraso sa init.
Malangsa an parong kan dugo na nawiwisik sa katauhan.
Sa kanto nin saudan sa banwaan nin Pili,
duman sinda minapundo asin binabadag an panrapado
sa likod ninda. Maraga an likod, gatok sa kumpas
nin kawayan na pamitpit.
Maluhay an paglakaw, saru-saro. Balad sa kainitan.
Pag lampas sa puwesto mi sa saudan, balik sa dati.
Yaon ang chirismisan na idtong penitente daa aki ni Tiya
asin baralikan man ang mga paratawad na mga barat
na nagsirirong ta habo matipsikan nin dugo.
Garo mayo nangyari.
Siring sa pag-agi kan duros, dae nirurumdom.