Kun Nahihiling Niya Kita

Kun Siya man nanggad presente
sa gabos na oras, nakatangro
sa satuya sa mga ginigino ta,
ano daw kun napapangirit Siya
sa urulay kan mga parainom sa kanto?

Kun siring palan,
baka nginiritan Niya kita
kan kita aki pa asin
kita nadapla sa pa-adal
na makalakaw kan kita omboy pa.

Kun Siya nakahiling sa gabos,
maray pa palan Siya
ta nahihiling Niya an mga hawak
na magkasugpong sa kadikluman,
nasa kainitan, parani sa glorya.

Asin madadangog Niya man
kun pano Siya idamay
kan magkapareha pag sinda paparani na
sa dulo nin saindang kawat
kasabay nin ipit na hinghing.

Ano daw kun daw matapos?
Mabibitin man daw Siya
asin mauungis sa magkapareha?
Ano daw an Saiyang gigibuhon?
Baka padusahan an magkapareha?

-dyan kay ben-
07/01/09